Tekniker

Gailu sentsoreak

Gailu sentsoreak

IK4-TEKNIKERek era askotako printzipio teknologikoetan oinarrituta funtzionatzen duten (mikromekanika, metrologia, fotonika, kimika, elektronika, matematika, akustika, etab.) eta sektore kritikoei eta oso eskakizun zorrotzak dituztenei zerbitzua ematen dieten soluzio, sistema eta produktu autonomoak eraikitzen ditu, esaterako industria, energia edo elektromedikuntzaren sektoreei.

Ikuspegi horretatik, eguneroko jardueretan laguntzen presente dauden soluzio eta produktu sortari heltzen dio, dela autodiagnostiko medikorako elektromedikuntzako sistemei, dela pneumatikoen presioa edo aerosorgailuetako olio lubrifikatzearen kalitatea antzemateko sentsoreei, dela inpaktuak detektatzeko sistema bat duten txirrindularitza kaskoei. Adibideak ditugu industriako eta kontsumoko erabilera eremu ia guztietan.

Soluzio horiek ingurunearekin interakzioan dihardute (sentsatu edo jarduketa), interfaze fisiko-kimikoen bitartez. Modu autonomoan funtzionatzen dute, eragiketa sendoa eta fidagarria eskaintzen dute, eta soluzio miniaturizatuak, trinkoak eta integratuak dira, gehienetan kostu txikikoak. Era berean, komunikazio sistemaren bat edo beste dute, beste sistema edo gailu batzuekin informazio estandarizatua trukatu ahal izateko.

Ondorio gisa esan daiteke soluzio mota hauek era askotako teknologia, funtzio eta materialen miniaturizazio eta integrazio sistematikoaren emaitza direla. Horrenbestez, gailu horietako gehienek merkatuak planteatutako arazo zehatzetarako soluzioak eskaintzen dituzte, honelako teknologiak erabilita: mikromekanika, magnetika, mikrofluidika, fotonika, elektrokimika, printzipio biokimikoak, akustikoak, algoritmika eta elektronika eta komunikazioa.

Erlazionaturiko edukiak

Sektore industrialak

Webgune honek cookie-ak erabiltzen ditu

Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.

Informazio gehiago nahi baduzu, kontsultatu gure Cookie Politika.

Onartu