Osasuna

Teknikerrek osasunaren sektorerako duen eskaintza arlo hauetan multzokatu daiteke:

BIOMARKATZAILEEN IDENTIFIKAZIOA ETA KUANTIFIKAZIOA

• Gailu erabilterraz eta merkeen garapena, anbulatorioan erabiltzeko. Sistema integratuak, neurketa-algoritmoak eta osasun-sektorearen ziurtapen-estandarrak eta premiak betetzen dituzten komunikazioak barne hartzen dituzten neurketa eta diagnostiko-gailu eramangarriak.

• Gorputzeko fluidoetan biomarkatzaileak kontrolatzeko eta horien jarraipena egiteko gailuen garapena (biopsia likidoak), medikuntza pertsonalizaturako.

• Azkar eta kontzentrazio txikietan hautemateko gaitasuna, tresna txikiak eta nanoteknologiak erabiliz.

• Biomarkatzaile espezifikoak neurrira eta multiplexatuta hautemateko gaitasuna.

EHUNEN INGENIARITZA

• Gainazal biofuntzionalen garapena, zelula-terapiak garatzen dituzten enpresentzat eta horrelako gainazalak behar dituzten enpresentzat (hala nola, inplanteen fabrikatzaileentzat).

• Zelulaz kanpoko (scaffolds) matrizeen 2Dko eta 3Dko garapena, hainbat materialetan.

• Diseinu geometriko espezifikoa, zelulen bereizketari eta ugalketari laguntzeko.

• Gainazal biofuntzionaletarako estalduren edota ehunen garapena, osteointegrazioa azkartzeko edo bakterio-kontrako jarduera duten geruza biozidetarako.

MIKROINJEKZIO BIDEZ FABRIKATUTAKO PRODUKTU SANITARIOAK

• Produktu sanitarioen garapena, mikroinjekzio bidez fabrikatutako polimero biobateragarrien edota biodegradagarrien arloan.

• Prototipoen fabrikazioa, diseinu-faseari eta bideragarritasunari laguntzeko.

• Hutsuneak betetzea bermatzeko injekzioaren simulazioa.

• Moldeen diseinua, fabrikazioa eta doikuntza.

• Merkaturatu aurretiko aurreserieen fabrikazioa.

• Prozesuaren eta produktuaren monitorizazioa, "zero hutsegite" fabrikaziorako.

TELEMEDIKUNTZA EDO E-OSASUNA

• Telemedikuntza-sistemen garapena (osasunaren autokudeaketarako euskarria, telemonitorizazioa eta teleerrehabilitazioa, pazientearen premietara egokituta).

• Paziente kronikoarentzako edo adineko pazientearentzako sistemen garapena, gaixotasunaren autokudeaketan inplikatzea ahalbidetzeari begira. Garapen horiek, besteak beste, honelako alderdiak estaltzen dituzte: parametro medikuen eta bizi-estiloaren monitorizazioa eta egoera arriskutsuen (hala nola, parametro fisiologikoen, aldartearen edo bizi-estiloaren asalduren) gaineko heziketa edo kudeaketa. Sistema horiek, aldi berean, eta estandarretan oinarrituta, osasun-hornitzaileen sistemekin integratzen dira.

• Medikuen erabakiei euskarria emateko sistema adimendun teknologikoen garapena; adibidez, hizkuntza naturalaren prozesamendua, teknologia semantikoa eta ikaskuntza automatikoa, diagnostikoaren eta tratamenduaren faseetan erabakiak hartzen laguntzeko bai pazienteari, bai profesionalei, pazientearen profilean eta eskura dagoen ebidentzia zientifikoan oinarrituta.

OSASUN-INDUSTRIARAKO EKIPAMENDUA

• Autonomoki nabigatzeko gaitasunak dauzkaten zerbitzu-roboten garapena, pertsonekin nahiz robotekin lankidetzan aritzeko. Gida-lanak egin ditzakete ospitaleetan eta ingurune publikoetan, edo logistika-lanak egiteko erabil daitezke ospitaleetan.

• Adinekoei edo muga funtzionalak dauzkatenei beren etxean edo egoitzetan laguntzeko robot laguntzaileen garapena.

• Laborategiko prozesuak prozesu errepikakorretara eramateko zehaztapenen garapena.

• Laborategiko jarduera onen irizpideak (GMP) betetzen dituzten ekipoen diseinua eta garapena.

Biomarkatzaileen identifikazioa eta kuantifikazioa

Ehunen ingeniaritza

Mikroinjekzio bidez fabrikatutako produktu sanitarioak

Telemedikuntza edo e-Osasuna

Osasun industriarako ekipamendua