AIMENek eta Teknikerrek sektore aeronautikoko Europako liderrak bildu ditu fabrikazio jasangarriaren etorkizunari buruz eztabaidatzeko
14-05-2025
Tekniker
Ekitaldia gaur eta bihar egingo da Galizian, eta jasangarritasunean, digitalizazioan eta fabrikazio aurreratuan industriak dituen erronkak eta aukerak aztertuko ditu, Airbus, GKN Aerospace eta Collins Aerospace bezalako liderren parte-hartzearekin, Europako ECOAERO eta SURE 5.0 proiektuen esparruan.
AIMENek Zentro Teknologikoak eta Teknikerrek "Advanced manufacturing technologies for a more sustainable & resilient aviation" izeneko nazioarteko ekitaldia antolatu dute gaur eta bihar, sektore aeronautikoari aplikatutako fabrikazio aurreratuko teknologietan ardaztua. Hitzorduan puntako enpresetako ordezkariak bilduko dira, hala nola Airbus, Aernnova, Aciturri, GKN Aerospace, Collins Aerospace edo CDTI, Europako zentro teknologikoekin eta berrikuntzan liderrak diren erakundeekin batera.
Bi jardunaldi horietan, sektoreak jasangarritasunaren, digitalizazioaren eta erresilientziaren arloan dituen erronka nagusiak jorratuko dira, eta arreta berezia jarriko zaie materialetan, fabrikazio gehigarrian eta propultsio-sistemetan (hidrogenoa, adibidez) egindako aurrerapenei.
Ekitaldia ECOAERO (Tekniker buru duena) eta SURE 5.0 (enpresa txiki eta ertainek sektorearen eraldaketan duten papera ardatz duena) proiektu europarren barruan kokatzen da.
Saioetan mahai-inguruak, bisita teknikoak eta networking guneak izango dira, Europa mailan lankidetza sustatzeko.