4.0 Industria: sentsorika eta IoT, ekoizpenaren eraginkortasuna hobetzeko

Data 15-04-2019 IK4-TEKNIKER Tags IoT . Jardunaldiak .

FER eta IK4-TEKNIKER elkarlanean dabiltza jardunaldi tekniko batean, manufaktura-industriako ETE-ek teknologiak erabiltzeak eta sustatzeak dakartzan abantailen berri ematen duen proiektu baten esparruan.

Errioxako Enpresen Federakundeak (FER) duela gutxi abiatu du Errioxaren Eraldaketa Digitalerako Bulegoa (Errioxa OTD FER), manufaktura-industriari begirakoa, Errioxako ETE-en, ekintzaileen eta autonomoen eraldaketa digitala sustatzeko eta bultzatzeko xedez.

Urtebeteko iraupena duen ekimen horren esparruan, askotariko hedapen-jarduerak ari dira egiten; funtsean, teknologiak erabiltzeak dakartzan abantailen berri emateko eta ETE erabiltzaileek horiek hartzea sustatzeko jardunaldi teknikoak dira.

Testuinguru horretan, IK4-TEKNIKER FERekin dabil elkarlanean, sentsoreek hartzen dituzten seinaleetatik abiatuta ekoizpenaren eraginkortasuna hobetzeari buruzko jardunaldi tekniko bat antolatzen.

Jardunaldiak, "4.0 Industria: sentsorika eta IoT, ekoizpenaren eraginkortasuna hobetzeko" izenburua duenak, gai hauek jorratuko ditu, besteren artean: makinen osasuna monitorizatzeko eta hutsegiteak aurreikusteko sentsoreak, kalitatea linean neurtzeko sentsoreak eta IoT (Internet of Things) datuen analisia.

Jardunaldia apirilaren 24an izango da, FERek Logroñon duen eraikinean, 10:00etatik 12:00etara.

Informazio gehiagorako eta izena emateko

Informazio gehiagorako eta izena emateko, sakatu hemen.

Webgune honek cookie-ak erabiltzen ditu

Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.

Informazio gehiago nahi baduzu, kontsultatu gure Cookie Politika.

Onartu