Tekniker

Laser cladding

Laser cladding

Substratu baten gainazalean injektatutako hauts metalikoa zuzenean fusionatzea da teknika hau. Oinarrizko materialaren propietate berdinak edo hobeak dituzten estaldurak eta/edo egiturak lortzea da helburua.

Hona hemen prozesu honen abantaila nagusiak: diluzio minimoa, substratuan bero gutxi eta modu kontrolagarrian sartzea, hozte-abiadura handia, prozesatzeko malgutasun handia eta distortsio txikia, piezan sortutako karga termiko txikiagatik. Beste ezaugarri garrantzitsu bat da eremu txikietan material-ekarpen selektiboak egiteko aukera. Horrek piezak osorik ordeztu gabe konpontzeko aukera ematen du (hondatutako formak eta estaldurak lehengoratuz). Ohiko beste jalkitze-teknikekin alderatuta, poro, pitzadura eta deformaziorik gabeko soldadura-kordoiak edo estaldurak lor daitezke, eta substratuarekiko lotura metalurgiko egokia lortu.

Teknika honen aplikazio industrial ohikoenak hiru eremu handitan sailka daitezke:

Osagaiak sendotzea, higaduratik eta korrosiotik babesteko estaldura batzuk, hesi termiko gisa ere jardun dezaketenak, aplikatuz (moldeak, matrizeak, erremintak, osagaien eta hodien barne-kokapena, etab.).

Erremintak, moldeak, matrizeak, trokelak, engranajeak eta osagaiak berreskuratzea eta konpontzea (diseinu-aldaketa azkarrak, mekanizazio-erroreak, etab.).

3Dko pieza eta egitura metalikoen gehikuntzako fabrikazioa: osagai funtzionalak, egiturak, etab.

Hona hemen teknologia honen ezaugarri nagusiak:

  1. Malgutasuna, gehitzeko materiala aukeratzeko orduan: oinarriko Fe, Co, Ni, Ti, etab.
  2. 3Dko egitura eta pieza handiak konpontzen eta fabrikatzen dira.
  3. Materialaren jalkitze-tasak 2 kg/h baino gehiagokoak dira.

Erlazionaturiko edukiak

Sektore industrialak

Webgune honek cookie-ak erabiltzen ditu

Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.

Informazio gehiago nahi baduzu, kontsultatu gure Cookie Politika.

Onartu