Tekniker

Aurkezpena

Xedea

TEKNIKER zentro teknologikoa irabazi-asmorik gabeko fundazio pribatu gisa sortu zen juridikoki. Industria-sarea berritzeko gaitasuna areagotzen laguntzeko xedea du, industriaren lehiakortasuna hobetzeko, teknologia eta jakintza sortuz eta aplikatuz.

Egitura juridikoa

TEKNIKER irabazi-asmorik gabeko fundazioa da, eta patronatua eta batzordea, batez ere, industriako ordezkariez osatuta daude. Gaur egun, TEKNIKER Fundazioak IK4 Aliantza Teknologikoan parte hartzen du; aliantza horretan, beste zenbait zentro teknologikok ere hartzen dute parte: Ceit, Cidetec, Gaiker, Ikerlan eta Vicomtech.

Espezializazioa

TEKNIKERek Mekatronikaren, Fabrikazio Teknologien eta Mikroteknologien zentro gisa definitzen du bere burua. Normalean erabiltzen den terminologiaren arabera, Manufacturing-aren edo 'Industria eta Ekoizpen Diseinuaren' zentroa da TEKNIKER. Batez ere, arlo hauek lantzen ditu:

• Industria- eta kontsumo-produktuen diseinua.
• Marruskadura-, higadura- eta lubrifikazio-arazoak konpontzea.
• Fabrikan informazio- eta komunikazio-teknologiak sartzea.
• Doitasun handia, miniaturizazioa eta mikro/nanoteknologiak.

Industria-sektoreak

TEKNIKERek manufaktura-ekoizpen zabalean sartutako industria-sektoreak ukitzen ditu batez ere. Baina, horiez gain, iraultza teknologiko berrien inguruan sortu eta haziko diren beste zenbait sektore ere ukitzen ditu:

• Makina-erreminta eta horren osagarriak
• Eraldaketa metalmekanikoa
• Automobilgintza
• Energia
• Sektore aeroespaziala
• Ekipo-ondasun mekanikoak
• Biomedikuntza
• Elektronika eta IKTak
• Zientzia-instalazio handiak
• Kimika

TEKNIKER eta enpresa-sustapena

Bere xedea eta jatorriak kontuan hartuta, enpresei teknologiaren ikuspegitik laguntzeaz gain, enpresa-ekimen berriak sortzen ahalegintzen da TEKNIKER; batez ere, oinarri teknologikoko ekimenak dira, eta, sarri, zentroaren beraren spin off ezaugarriak izaten dituzte. Laurogeita hamarreko hamarkadaren hasieratik, hogei bat enpresa-ekimen berriren sorreran parte hartu du TEKNIKERek, era batean zein bestean. Enpresa horietako gehienak jada osatuta daude, eta industriarekin zerikusia dute. Gaur egun, hauek dira nabarmenenak:

TEKNIKER erakunde hauen kide da

• IK4 Research Alliance
• MARGUNE: Errendimendu Handiko Fabrikazioaren Ikerketa Kooperatiboko Zentroa
• CIC MICROGUNE-CMIC: Mikro/Nanoteknologien Ikerketa Kooperatiboko Zentroa
• EITE: Eusko Teknologi Ikertegien Elkartea
• SARETEK: Zientzia, Teknologia eta Berrikuntzako Sarea
• EUSPEN: European Society for Precisión Engineering and Nanotechnology
• CIRP: International Academy for Production Engineering
• WEARCHECK : Olio analisiko group of oil analysis
• STLE: Society of Tribologists and Lubrication Engineers
• ICFG: International Cold Forging Group
• AEM: Asociación Española de Mantenimiento
• AEC: Asociación Española para la Calidad
• ESReDA: European Safety, Reliability and Data Association
• ELI: European Laser Institute
• SECPhO: Southern European Cluster in Photonics and Optics