Tekniker

Sistema mekatronikoak

Sistema mekatronikoak

Mekatronika ingeniaritza mekanikoaren, elektronikaren, kontrol eta automatikaren eta informatikaren ahalmenak elkartzen dituen diziplina da, eta bere helburua da dinamika eta sendotasun maila handian lan egiten duten sistema sendo eta eragintza aniztunekoak garatu, abian jarri eta optimizatzea.

IK4-TEKNIKER espezialista da muturreko baldintzetan oso dinamika handiz eta doitasunik handienez lan egin behar duten sistema mekatroniko konplexuak diseinatzen, garatzen, fabrikatzen eta abian jartzen. Sistema horiek eragintza soilekoak edo eragintza aniztunekoak izan daitezke.Eragintza, gidaritza eta neurketa eta kontrol sistema modu espezifikoan aukeratzen dira aplikazio bakoitzerako eta, behar izanez gero, lebitazio elektromagnetikoko teknologia erabilita kontakturik gabe gidatzeko sistemak eta tresneria bereziak edo beharrezko beste edozein berezitasunen bat duten tresnen garapena ere sartzen da.

Prozesuaren hasieran, sistema irudikatzen duten modeloak sortzen dira, espezifikazio bakoitzari egokitutako konplexutasunarekin, eta amaieran sistemaren ezaugarritze esperimentala egiten da. IK4-TEKNIKERek egindako modeloak ezagunak badira, modeloetan oinarritutako simulazioen eta emaitza esperimentalen arteko korrelazioa erabatekoa delako da. Modeloak sortzeko eta simulazioak egiteko zikloa honako ahalmen hauekin osatzen da:

  • Mekanismoen diseinua eta analisia
  • Diseinu eta analisi termohidraulikoa
  • Kontrolagailuen diseinua eta analisia
  • Eragintzen, transmisioaren eta giden diseinua eta analisia
  • Mekanizazio prozesuaren simulazioa
  • Osagaien neke kalkulua
  • Magnetikoki lebitatutako sistemen diseinua eta analisia

Saiakuntza esperimentalen fasean honako ezaugarritze mota hauek sartzen dira:

  • Ezaugarritze estatikoa eta dinamikoa, bibrazioen analisia
  • Ezaugarritze termikoa, deformazioak
  • Ezaugarritze geometrikoa, errore bolumetrikoak

Modelatze eta ezaugarritze ahalmen horien aplikazioa goi prestazioak dituen edozein ekipamenduren garapenean erabili daitezke, bai teleskopioen osagaietan, bai energia gordetzeko sistemetan, eta makina berezi askotan ere aplikatu daitezke, bereziki, eta esperientzia handiarekin, makina-erreminten modelo berrietan.

Azken kasu horretan, modelizazio eta simulazioaren etapan, hala behar bada, mekanizazio prozesuen simulazioa ere sartu daiteke, baita simulazio horri dagokion optimizazio teoriko edo esperimentala ere (ebaketa baldintzak, erremintak, ebaketa likidoak, mekanizazio ibilbideak):

  • Fresaketa, torneaketa, artezketa, zulaketa
  • Mikrofresaketa, laser bidezko mikromekanizazioa, mikroEDMa, mikroinjekzioa, mikrozulaketa
  • Laserra, ultrasoinuak, ECM, EDM
  • Laser claddinga fabrikazio gehigarrirako eta konponketarako

Erlazionaturiko edukiak

Sektore industrialak

Webgune honek cookie-ak erabiltzen ditu

Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.

Informazio gehiago nahi baduzu, kontsultatu gure Cookie Politika.

Onartu