Servicios Tecnológicos Avanzados

Patroi eta neurketa-elementu dimentsionalak kalibratzeko RELEk (Red Española de Laboratorios de Ensayo, Saiakuntza Laborategien Espainiako Sarea) ziurtatutako lehen laborategietako bat izan zen TEKNIKER (laurogeita hamarreko hamarkadaren hasieran). Gerora, beti bezala aitzindari, barne-prozesuen trazabilitatea bete-betean bermatzen duten ENACen ziurtagiri guztiak eskuratu ditu (“Kalitate-ziurtagiriak eta -akreditazioak”).

Bestalde, TEKNIKERen metrologia dimentsionaleko zerbitzuak bermatuta daude; izan ere, ekipo metrologiko aurreratuena diseinatzeko eta garatzeko gaitasuna du –horren adierazgarri dira kala patroi handiak eta step gauges-ak kalibratzeko interferometro baten autohornikuntza–, eta lan asko egin ditu Metrologiako Espainiako Zentroarekin (CEM, Espainiako laborategi primarioa) lankidetzan lan.

Funtsean, laborategiak zerbitzu hauek eskaintzen ditu:

• Patroiak, neurketa-ekipoak eta instalazioak kalibratzea.
• Kalibraketa-planak diseinatzeko, garatzeko eta optimizatzeko aholkularitza.
• Kalibraketa-planaren kudeaketa integrala.
• Kalibraketa kanpoan egitea (telekudeaketa).
• Mota guztietako piezak hiru dimentsiotan neurtzea, bai osagai txikiak, bai egitura handiak.
• Makina-erreminten kalibraketa eta egiaztapena.

Informazio zehatzagoa: Metrología TEKNIKER