Eskaintza teknologikoa

Aurkezpena

TEKNIKER ongi kokatuta dago mekatronikaren merkatuan, eta ezagutza eta esperientzia handia du informazio- eta komunikazio-teknologietan, ingurune-adimenean, sentsore-sare eta seinale-kontrolean eta mikro- eta nanoteknologiatan. Horri esker, diziplina anitzeko hurbilketa erabil dezake osasungintzari laguntzeko baliabideen sektoreari ekarpenak egiteko.

Hauek dira arlo horretako helburu nagusiak:

• Ezagutza zientifiko eta teknologikoaren aplikazioa sustatzea, pertsonen bizi-kalitatea hobetzeko eta osasunarekin, zahartzearekin eta ezgaitasunekin erlazionatutako arazoak konponduko dituzten produktuak garatzeko.
• Gizarte zerbitzuen eta osasunaren sektoreei laguntzea.