Eskaintza teknologikoa

Aurkezpena

Laurogeiko hamarkadaren erdialdean hasi zen TEKNIKER makina-erremintaren sektorean lan egiten.

Ordutik gaur egun arte, funtsezkoa izan da zentroa makineriako enpresei eragiten dieten ia ekimen berritzaile guztietan.

Horren adierazgarri dira lorpen hauek:

• Motor linealek eragindako Espainiako lehen fresatzeko makina (BIZKOR).
• Zinematika paraleloko 5 ardatzeko Espainiako lehen makina (SEYANKA).
• Eragingailu elektrikoko lehen injektorea.
• Ultrazehaztasuneko lehen fresatzeko makina (ULPRE).

Makina-erremintaren sektoreari planteamendu integral batetik lagundu dio eta laguntzen dio TEKNIKERek. Bestalde, prozesuen ezagutza (abiadura handiko mekanizazioa, lehorrekoa, gutxieneko hozgarri-kantitatea erabiltzen duena, asistentziarik gabekoa, zehatza, material gogorrekoa...) egiaztatuan oinarritzen da (estatuko eta Europako lankidetzako ikerketa-proiektu garrantzitsuenetan lortutakoa); orain, gainera, atea zabaltzen die prozesu berritzaileenei (prozesu ez-konbentzionalak, hibridoak...), edozein pieza-mota lehiakortasunez edozein materialetan fabrikatzeko aukera ematen baitute.

Gaur egun, sektoreari dagozkion lankidetza-proiektu garrantzitsuenetan hartzen du parte TEKNIKERek:

Espainian, CENIT proiektua: "eEe", ekologiako, zehaztasun handiko eta produktibitateko teknologiak, multifuntzionaltasuna eta makina-erremintako informazio- eta komunikazio-teknologiak"; 17 enpresak azpikontratatutako ikerketa-erakundea da TEKNIKER.

Europan, NMP proiektu integratua: "NEXT", next generation production systems"; TEKNIKERek oso eginkizun garrantzitsua du partzuergoaren 'nukleo gogorraren' barruan.

Manufakturazioaren arloko Europako eta Espainiako plataformetan -"MANUFUTURE"- egindako lanari esker, TEKNIKERek bermatzen du gai horren inguruko munduko argitalpenetan punta-puntakoa izango dela bere lana etorkizunean (state of the art). Halaber, hori bermatzen du MARGUNE Errendimendu Handiko Fabrikazioko CICen esparruko lankidetza-jardueraren ikuspegitik; izan ere, mekanizazioa zerbitzu integral gisa hartzen du, irtenbide-hornitzaile gisa, makina eta dagokion prozesua hartzen baititu kontuan.

Hauek dira enpresen esku jartzen diren oinarrizko teknologiak:

• Erregulazioa eta kontrola.
• Simulazio estatikoa eta dinamikoa.
• Mekanika esperimentala.
• Eragingailu eta buru magnetikoak.
• Laser-teknologia.
• Neurketa- eta monitorizazio-elementuak.
• Abiadura handiko mekanizazioa, lehorrekoa, gutxieneko hozgarri-kantitatea erabiltzen duena, asistentziarik gabekoa, zehatza, material gogorrekoa.
• Fabrikazio eta mekanizazio ez-konbentzionala eta hibridoa.
• Gizaki-makina interfazeak eta erabilgarritasuna.
• RAMS parametroen optimizazioa.
• Hutsegite eta arazoen diagnostikoa eta iragarpena