Eskaintza teknologikoa

Aurkezpena

TEKNIKER zentro teknologikoa gai da lurrun-faseko (PVD, Phase Vapour Deposition ingelesez) jalkipen fisikoko teknikak erabilita estaldurak lortzeko erabiltzen diren ganberak diseinatzeko, eraikitzeko eta industrializatzeko. Arlo horretan konponbide integralak emateko gaitasuna duen Espainiako erakunde bakarra da,, bai eta geruza meheak ekoizteko prozesuak garatzeko eta optimizatzeko gai den bakarra ere.

90eko hamarkadan hasi zen TEKNIKER PVDko estaldurak diseinatzen eta fabrikatzen, eta, ordudanik, askotariko garapenak egin ditu. Besteak beste, hauek ditugu gaur egun: lurrungailu propioak, prozesuen kontrola -bai laborategi mailan eta bai industria mailan-, estaldura-aukera handia eta ezaugarri fisiko-kimiko askotarikoak, eta ganberen beharren araberako huts handiko teknologia bat.

TEKNIKERek hainbat ekintza egin ditu eta erreferentziak ditu  aplikazio eta sektore askotan:

• Metalaren eta mekanikaren sektorea (ebaketa-erremintak, moldeak eta matrizeak, pieza autolubrifikatuak).
• Estetikoa (altzarientzako burdineria, sarrailak, mahai-tresnak, kanilak, zeramika apaingarria).
• Medikoa (protesietarako estaldura biobateragarriak).
• Halaber, tamaina eta funtzio askotako makinak diseinatu eta eraiki ditugu:
  -  120x120 mm-tik 925x1200 mm-rainoko estaldura-eremu eraginkorrak.
  -  Arku katodiko bidezko lurrunketa, sputtering-a eta elektroi-kanoia.