Tekniker

Mekatronika eta doitasun-ingeniaritza

Mekatronika eta doitasun-ingeniaritza

Askotariko ingeriaritza-teknologiekin lan egiten du IK4-TEKNIKERek, eta horrek aukera ematen dio sistema mekatronikoak diseinatzeko, simulatzeko eta baliozkotzeko; eskakizunak aztertzetik eta diseinu kontzeptualak garatzetik hasi eta prototipo erabat funtzionalak hornitu eta baliozkotzeraino.

Mekatronika da ingeniaritzaren hainbat alor era sinergikoan interakzioan aritzea (mekanika, kontrola, mikroelektronika, konputazioa, etab.), funtzionalitateak makinan edo gailuan integratzeko.

Doitasun-ingeniaritzan, ordea, makinak eta gailuak diseinatzeko eta garatzeko orduan, oinarrizko printzipio batzuei jarraitzen zaie doitasunari lehentasuna emateko beste edozein eskakizunen gainetik.

Bi kontzeptuak ikerketa-alor honetan batuta, IK4-TEKNIKER nabarmendu egiten da bai ikerketa oinarrizkoeneko jardueretan (adibidez, euste-sistemetan eta gidatze elektromagnetikoko sistemetan) bai haien aplikazioan; batez ere prototipoak garatuz hainbat sektoretan: makina-erreminta, energia berriztagarriak, instalazio zientifiko handietarako ekipamenduak, etab.

IK4-TEKNIKERek menderatzen dituen teknologiak analisi teorikora nahiz emaitza esperimentaletara bideratzen dira, eta bien korrelazioa ezinbestekoa da bai kontzepturik oinarrizkoena garatzeko, bai eta amaierako ekipo erabat operatiboa garatzeko ere.

Hauek dira analisi teorikoari lotutako oinarrizko teknologiak:

  • Egitura-analisia (deformazioak, tentsioak, nekea, dinamika, material konposatuak)
  • Zinematika eta dinamika (multibody sistemak, eragingailuak, transmisio- eta gidatze-sistemak, errotodinamika)
  • Doitasun-ingeniaritza (error budget, doitasunezko diseinua, optomekanika, compliant mechanisms eta metrologia dimentsionala)
  • Fluidoen mekanika (hidraulika, sistema hidrostatikoak, magnetoerreologikoak, ezaugarri zorrotzekiko neumatika)
  • Ingeniaritza termoenergetikoa (bero-transferentzia, termodinamika)
  • Simulazio domeinu anitzeko eta multifisikoa
  • Sistemen modelaketa eta denborazko simulazioa, kontrolagailuen diseinua eta doikuntza

Teknologia esperimentalak ere lantzen dira; esaterako, hauek:

  • Esfortzuak estentsometria bidez neurtzea
  • Bibrazioen analisia (analisi modala, modala eta operazionala, orekatzea)
  • Tenperatura neurtzeko teknologiak (termografia, termopareak, pirometria)
  • Metrologia dimentsionala bitarteko hauen bidez: ad hoc prozedurak, multilaterazio-teknikak, ukipen bidez eta ukipenik gabe neurtzeko teknikak (haztagailuak, eta laserra, optikoa, induktiboak, hurrenez hurren) teknikak, 3D digitalizazioa eta fotogrametria

Erlazionaturiko edukiak

Sektore industrialak

Webgune honek cookie-ak erabiltzen ditu

Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.

Informazio gehiago nahi baduzu, kontsultatu gure Cookie Politika.

Onartu