Tekniker

Mantentze industriala

Mantentze industriala

Mantentze lanak aktibo bati egingo zaizkion zaintza edo lehengoratze lan guztiak dira, bere funtzioak bete ditzan eta bizitza luzeagoa izan dezan,. Oraindik ere, mantentze lan asko arazoa eragin duen arrazoia ondo ezagutu gabe eta ahalik eta emaitza gehien lortzera bideratu gabe egiten dira.

Gaur egun, inoiz baino gehiago, ekintza horiek ikuspegi holistikoa behar dute, non aktiboa, ingurunean duen funtzioa eta datu tratamendurako teknologiekiko integrazioa batera aintzat hartuko diren. Hori da IK4-TEKNIKERek bere Smart Asset Management-ean bilatzen duen ikuspegia  Sistema mekatronikoetan, normalean lubrifikatutakoak izanik, gertatzen diren funtzionamendu okerrak antzeman, diagnostikatu eta iragartzeko misioarekin, IK4-TEKNIKERek teknologiak eta esperientziak konbinatzen ditu mantentze lanen emaitza maximizatzeko, aktiboen erabilgarritasuna areagotu, haien bizitza luzatu eta eragiketa kostuak murrizteko.

Helburu horiek lortzeko aplikatutako metodologia honako urrats hauetan oinarritzen da:

  • Analisi aditua:Condition Monitoring-aren eremuan olioaren analisiaren bidez lanean egindako hogeita hamar urteetan oinarrituta, hori baita IK4-TEKNIKER arlo horretan duen esperientziaren froga.
  • Anomaliak antzematea: ezagutza aditua eta datuen analisia konbinatzen ditu, lubrifikatutako osagaietan eta aktiboetan gertatzen diren hutsegiteen sintomak eta egon daitezkeen arazoak identifikatzeko.
  • Diagnostikoa: lubrifikatzailearen analisia eta diagnostikoa datu operazionalekin bateratuz, arazoa eta bera eragiten duten arrazoi nagusiak hobeto diagnostikatzeko.
  • Prognosia: iragarpen ereduak sortuz, egon daitezkeen hutsegiteei aurrea hartzeko, baldintza eta eragiketa datu ugari analizatu, tratatu eta konbinatuta.
  • Transformazioa: mantentze eta eragiketa praktikak eta estrategiak egokituz eta hobetuz, aurreko faseetan lortutako irizpide eta emaitzetan oinarrituta.

IK4-TEKNIKER erreferentea da nazioartean mantentze lanei lotutako hainbat arlotan, esaterako olio eta likido industrialen analisian, produktuaren fidagarritasunean, informazioa monitorizatu eta eskuratzeko moduetan, eta erabakiak hartzeko eta kudeatzeko laguntzan; gaitasun horiek, gainera, beste hainbat eragiketarekin osatzen dira, hauekin esaterako: diagnostiko metal-mekanikoa, gainazalen fisika eta kimika, tribologia, produktu mekatronikoen portaeraren modelizazioa, elektronika eta komunikabideak.

IK4-TEKNIKERen eskaintza teknologikoa arlo hauetara bideratuta dago:

  • Enpresa erabiltzaileak, mantentze lana faktore kritikotzat duten aktiboen ustiatzaileak.
  • Mantentze soluzioen enpresa hornitzaileak, beren gaitasun teknologikoak hobetzea bilatzen dutenak
  • Produktu mekatronikoak garatzen dituzten enpresak, baldintza monitorizatu eta autodiagnostikorako teknologiak erabiliz beren produktuei balio erantsia emateko interesa dutenak.

Erlazionaturiko edukiak

Sektore industrialak

Webgune honek cookie-ak erabiltzen ditu

Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.

Informazio gehiago nahi baduzu, kontsultatu gure Cookie Politika.

Onartu