Tekniker

Berrikuntza eta adimen lehiakorra

Berrikuntza eta adimen lehiakorra

IK4-TEKNIKERek berrikuntza arlo bat dauka, egungo enpresek lehiakorrak izateko aurrean dituzten erronka berriei aurre egiteko helburuarekin, horretarako enpresei berrikuntza eta kudeaketa alorretan laguntza zerbitzuak eskainiz, besteak beste hauek:

Diagnostikoak: Diagnostiko teknologikoak eta industria kudeaketakoak egitea, enpresei kanpo ikuspegi bat eskaintzeko eta haiekin batera hobekuntza ekintzak definitzeko, enpresen lehiakortasuna areagotzeko helburuarekin.

Berrikuntzaren kudeaketa: Berrikuntzaren kudeaketarako berezko eredua, ikuspegi operatibo, praktiko eta pertsonalizatuarekin, eta laguntzarako plataforma bat duena, enpresek eta, bereziki, Enpresa Txiki eta Ertainek berrikuntzaren kudeaketaren alorrean dituzten premiak asetzeko.

Berrikuntza eta lurraldea: Garapen agentziekin, enpresa elkarteekin edo industria taldeekin elkarlanean aritzea, elkarrekin analisi sektorialak, industria mapak, lurralde lehiakortasunerako planak eta tokiko garapenari lotutako beste jarduera batzuk egiteko.

Adimen lehiakorra: Soluzio teknologikoa, enpresentzako garrantzitsua den informazioa etengabe eta modu sistematikoan eskuratzea helburu duena, gero informazio hori erabakiak hartzeko prozesuan erabiltzeko. IK4-TEKNIKERek prozesuarekiko sentsibilizazioa, prestakuntza eta prozesuaren ezarpena eskaintzen du, eta, horrez gain, Adimen Lehiakorrean elkarlanean aritzeko plataforma bat du, KnowIt izenekoa.

Erlazionaturiko edukiak

Sektore industrialak

Webgune honek cookie-ak erabiltzen ditu

Cookie-ak erabiltzen ditugu nabigazio esperientzia hobetzeko eta gure zerbitzuak eskaintzeko. Nabigatzen jarraitzen baduzu, ulertuko dugu horien erabilera onartzen duzula.

Informazio gehiago nahi baduzu, kontsultatu gure Cookie Politika.

Onartu