Automobilgintza

Teknikerrek automobilgintzako sektorerako duen eskaintza arlo hauetan multzokatu daiteke:

FABRIKAZIO AURRERATUA

Prozesu berrien garapena edo daudenen optimizazioa, prozesutik, ekoizpen-bitartekoetatik, automatizaziotik eta instalazioaren kudeaketatik bertatik egindako osoko hurbilketarekin, 4.0 Industriaren ingurunean.

• Laser-prozesuen eta errendimendu handiko mekanizazioaren garapena; hala nola, lubrifikatzaile berriak dituen mekanizazio ekologikoa; mekanizagarritasun eskaseko materialen mekanizazioa; tokian tokiko kontrol dimentsionala eta inspekzioa; fabrikazio gehigarria eta laser-jalkipenaren bidezko ekarpen metalikoa; laser bidezko tratamendu termiko zuzen eta selektiboa, eta ekoizpenaren lineako monitorizazioa.

• Automatizazioa, robotika, ikuspen artifiziala, plataforma mugikorrak, robot-pertsona lankidetza, bin picking (teknologia jabea).

• Industria-ekoizpenaren kudeaketa (ekoizpen-ereduak, lean manufacturing, IKTen erabilera instalazioan).

OSAGAIEN GAINAZALEKO ALDAKETA

Osagaien gainazaleko aldaketa, funtzionaltasun berriak bilatzeko, itxura estetikoa lortzeko edo propietateak hobetzeko xedez.

• Teknologia anitzeko hurbilketa (PVD, laserra, PEO, Sol Gel, NIL), plastikozko eta metalezko osagaien gainean.

• Higaduraren aurkako estaldurak, islen aurkakoak, xurgatzaileak eta apaingarriak.

• Geruzaren garapena, premien arabera.

• Kontzeptu-probak, aurreserieak, saiakuntzak eta baliozkotzea.

• Prozesuaren eta beharrezko ekipamenduaren garapena.

• Industrializaziorako laguntza.

PRODUKTU ELEKTRONIKOAREN ETA KOMUNIKAZIOEN GARAPENA

Ikuspegi holistikotik abiatutako produktu-garapena, lehenengo ideiatik hasi eta industria-aurreko diseinura eta ekoizpen-arloko aholkularitzaraino.

• Elektronika (hardwarea): kontrolerako eta komunikaziorako ECUen garapena.

• Eredu funtzionalak eta egiaztapenerako ereduak.

• Sentsore-sareen ezarpenak eta sentsoreen garapena (teknika optikoak, magnetikoak eta ultrasoinuak).

• “Plug & Play & Forget”® sistemak eta power harvesting sistemak.

SAIAKUNTZA-BANKUEN ETA EKOIZPEN-BITARTEKOEN GARAPENA

Saiakuntza eta ekoizpen-ekipoen garapena, bezeroaren zehaztapenetik hasi eta horiek instalazioetan abiarazi arte.

• Neurrira egindako saiakuntza-bankuen diseinua eta muntaketa: osagaien saiakuntza-bankuak (transmisioak, errotulak, balaztak, terrailak, eserlekuak eta abar) eta moldeen akidura termikoaren saiakuntza-bankuak.

• Fabrikazio aurreratuko prozesuak egiteko makinen diseinua eta muntaketa.

ELEKTROMUGIKORTASUNA

• Motor elektrikoen konfigurazio berrien diseinua, fabrikazioa eta saiakuntza.

• Ad hoc potentziadun elektronika-ekipoen garapena.

• ECUen eta kontrol-guneen garapena.

• Osagai mekatroniko integratuen (robogurpila) diseinua eta garapena.

ZERBITZU AURRERATUAK

• Inspekzioa eta neurketa: kalibrazioa, egiaztapena eta ekipoen konpentsazioa.

• Osagaien hutsegite-kausen diagnostikoa.

• Erabileran dauden osagai mekanikoen jokaeraren egiaztapena.

Fabrikazio aurreratua

Osagaien gainazaleko aldaketa

Produktu elektronikoaren eta komunikazioen garapena

Saiakuntza-bankuen eta ekoizpenaren garapena

Elektromugikortasuna

Zerbitzu aurreratuak